സംസ്ഥാന സര്‍ക്കാരിന്റെ നിര്‍ദ്ദേശ പ്രകാരം സംസ്ഥാനത്തെ 10, 12 ക്ലാസുകളിലെ അധ്യയനം 2021 ജനുവരി 1 മുതല്‍ ആരംഭിക്കുന്നതിന് നിര്‍ദ്ദേശം ലഭിച്ചിട്ടുണ്ട്. ഇതിന്റെ അടിസ്ഥാനത്തില്‍ ജനുവരി 1, വെള്ളിയാഴ്ച മുതല്‍ രാവിലെയും ഉച്ചകുമായി 50% കുട്ടികളെ വീതം വരുത്തുന്നു. ഇതുമായി ബന്ധപ്പെട്ട നിര്‍ദ്ദേശങ്ങള്‍ ചുവടെ
- ഹൈസ്കൂള്‍ വിഭാഗം രാവിലെ വരേണ്ട കുട്ടികള്‍ക്ക് 10 മുതല്‍ 12.30 വരെയും ഉച്ചക്ക് ശേഷം 1 മുതല്‍ 3.30 വരെയുമായിരിക്കും ക്ലാസ്. ഹയര്‍ സെക്കണ്ടറി രാവിലെ 9 മുതലും വി എച്ച് എസ് ഇ രാവിലെ 9.30 മുതലും ആരംഭിക്കും
- വിദ്യാലയത്തില്‍ രക്ഷകര്‍ത്താക്കളുടെ ഉത്തരവാദിത്വത്തില്‍ ആവണം കുട്ടികളെ അയക്കേണ്ടത്
- കുട്ടികളുടെ കൈവശം സമ്മതപത്രം ഉണ്ടായിരിക്കണം. സമ്മതപത്രത്തിന്റെ മാതൃക ചുവടെ
- കുട്ടികള്‍ നിര്‍ബന്ധമായും മാസ്ക് ധരിച്ചിരിക്കണം
- കൂട്ടം കൂടി നില്‍ക്കുന്നതും അടുത്തിടപഴകുന്നതും കുട്ടികള്‍ ഒഴിവാക്കുകയും സാമൂഹിക അകലം പാലിക്കാനും ശ്രദ്ധിക്കണം
- ഭക്ഷണസാധനങ്ങളോ പഠനോപകരണങ്ങളോ മറ്റുള്ളവരുമായി പങ്ക് വെക്കരുത്
- കുടിവെള്ളം കൈയ്യില്‍ കരുതണം
- അധ്യാപകര്‍ നിര്‍ദ്ദേശിച്ച സമയത്ത് മാത്രമേ വിദ്യാര്‍ഥികള്‍ വിദ്യാലയത്തില്‍ എത്താവൂ
- റിവിഷന്‍ ക്ലാസുകള്‍ മാത്രമാണ് വിദ്യാലയത്തില്‍ നടക്കുന്നത് എന്നതിനാല്‍ ഓണ്‍ലൈന്‍ ക്ലാസുകള്‍ കാണാന്‍ മറക്കരുത്.
- വിദ്യാലയത്തില്‍ എത്തുന്ന സമയത്ത് ഓണ്‍ലൈന്‍ ക്ലാസുകള്‍ ഉണ്ടെങ്കില്‍ അവയുടെ പുനസംപ്രേക്ഷണം അന്നേ ദിവസം വീണ്ടും ഉള്ളത് കാണുക
- പരീക്ഷയുമായി ബന്ധപ്പെട്ട് ഫോട്ടോ, ഫീസ് എന്നിവ അവസാന തീയതിക്ക് മുമ്പ് അധ്യാപകരുടെ നിര്‍ദ്ദേശപ്രകാരം നല്‍കുക
- കോവിഡ് രോഗലക്ഷണങ്ങള്‍ ഉള്ളവരെ യാതൊരു കാരണവശാലും സ്കൂളില്‍ അയക്കാതിരിക്കാന്‍ രക്ഷകര്‍ത്താക്കള്‍ ശ്രദ്ധിക്കുക
- അധ്യാപകര്‍ നിര്‍ദ്ദേശിച്ചിരിക്കുന്ന ക്ലാസ് മുറികളില്‍ മാത്രമേ ഇരിക്കാവൂ
- സ്കൂള്‍ വിട്ട് വീട്ടിലെത്തിയാലുടന്‍ കുളിച്ച് വൃത്തിയായ ശേഷം മാത്രമേ മറ്റ് പ്രവര്‍ത്തനങ്ങളില്‍ ഏര്‍പ്പെടാവൂ
- മാര്‍ച്ച് 17 മുതല്‍ എസ് എസ് എല്‍ സി പരീക്ഷകള്‍ ആരംഭിക്കുന്നതിനാല്‍ പഠനത്തെ ഗൗരവമായി കാണാനും സംശയനിവാരണത്തിനുമായി ഈ ദിവസങ്ങള്‍ പ്രയോജനപ്പെടുത്തുക
|
സമ്മതപത്രത്തിന്റെ മാതൃക ഇവിടെ
സ്കൂള്‍ തുറക്കുന്നതുമായി ബന്ധപ്പെട്ട സര്‍ക്കാര്‍ മാര്‍ഗനിര്‍ദ്ദേശങ്ങള്‍ ഇവിടെ
No comments:
Post a Comment